Ageun apeŋo, atapit Ikosogwana alosit idiopediopen. Akaulo na adaun ikaru luipu iswamasi ŋun, atapit kesi aolionor omam bobo etakanunete da. Ibore yen obu ijaik ikesakwi aomoom adoketait na ikeikina. Elomasi ikesa lu aiŋic adoketait na adeparit Etoori, apotu ojenikisi bon be; Irisai, Iŋatunyo, Ibuwok ka Igwaŋia kes edoŋorito aidadanar aiyar kesi idiopediopen ne elosotor kesi bonik. Ibore yen abu akurianu odakunor adepar etapipiro. Edautu ikesa lu ilapio etukosi aomoom nutupitono anu aitidisiar eyarit lo alomakit kesi adoketait na okuju, apotu owanyutu bon be aparasia nu ajatar kesi nepepe, abu nen itukurian Irisai, Iŋatunyo, Ibuwok ka Igwaŋia toni lolo asalakinatar lu Inotasi akiro keere.
*NU ISISIAUNA:* Einos AOMISIO, AKIRO ka ASWAMISIO itidisiari lu asurup amawok.
